Joker(小丑)政治學(一)

Joker小丑係美國漫畫裏面一個虛構嘅反派人物,但佢喺美國電影Joker裏面,係一個社會弱勢草根人物,亦係普通民眾嘅典型。佢嘅心態,即係對社會不公嘅不滿,其實同好多反賊好似。佢後來嘅反彈,對社會不公果種極端報復,現實中同中國大陸一些反賊甚至稱唔上反賊嘅普通民眾,心態同行為出奇地神似:入關學、加速主義、躺平、攬炒、獻忠、反賊......
入關學闡釋
入關學係純粹小粉紅心態演繹嘅歷史觀同外交關係,實際上非常狹隘此路不通。將美國比喻成內外交困嘅大明帝國?人家工業生產、科技水平、教研自由度,連本國貨幣美元到護照免簽證數目幾乎樣樣屌打中國大陸,如何內外交困?莫說饑荒民變,連石油開採都不愁緊拙,哪裏像明末?
真正適用於明末亡癥嘅係中國大陸,內鬥嚴重更勝東林黨爭;失業率節節走高不差陝西裁驛;公營部門喺過嚴盲動嘅反貪腐運動下消極抵抗;幾年來貿戰重創出入口、巨企同手機業;中產收入銳減蔓延至各地地產鉅頭,賣地起樓賣屋變現還債,再舉債買地起樓賣樓嘅循環難再持續。所有傳統王朝亡癥都出現:黨爭、外敵、吏治腐敗、天災、失業、財政枯竭、領導層決策錯誤兼剛愎自用,連瘟疫都有武肺病毒加持,似得不能再似。
但呢種類比不倫同錯置嘅入關學,正反映中國大陸民眾長期喺洗腦教育同大外內宣華語媒體扭曲嘅海市蜃樓假象前,心態仍躭於幾千年古代社會形態同帝國夢嘅價值嚮往。佢哋唔知道自己把玩嘅手機唔係純粹用大陸零件,重要嘅晶片科技部分係從歐美台入口,人家科技產品有權扣起唔再俾你用;小粉紅玩嘅抖陰微信,元始概念都脫胎自美國油管Whatsapp,只係抄完再喺用戶體驗上增加功能;什麼網購團購實際抄eBay;連手機都追逐iPhone 而唔係華為,弱弱一問原創科技有什麼?還大大聲叫囂奢言同美國爭霸?
一帶一路玩爛掏空埋北京自己嘅國庫,係萬曆朝鮮之役嘅財政災難翻版。
與其講係入關學,不如講係明末非東林黨官員果種扭曲嘅是非觀。入關學唔係入關學,入關學其實只係閹黨學,閹黨追捧九千歲魏忠賢,就只能將白事當紅事,拍馬屁拍得響,自己官位就坐得穩。孰不知民怨已烈火燎原,山雨欲來風滿樓,獻忠鼙鼓動地來。
0
分享 2022-04-12

2 个评论

Jokder 新注册用户
已隐藏
李瑞环 回复 Jokder 新注册用户
>>猜猜Jokder是谁?


张超?

要发言请先登录注册

要发言请先登录注册