國難家書計劃

國內的朋友可以參考一下，也搞一個家書活動~

簡單介紹一下這個抗爭者，他每次會在遊行或集會的地方，臨時租一個店面，平價賣一些裝備給抗爭者，因為如果放在馬路上警察會沒收。。。

國難五金提議的 : 

國難家書計劃

反修例運動由6月至今，主要推動嘅都係香港年青一代，各大院校嘅莘莘學子，未來執掌香港嘅主人翁，不過佢哋正面對着一個非常現實嘅問題，正步入彈盡糧絕嘅地步，社會各界試過用不同嘅方式作出支援，例如購買各式各樣的餐券、食券、湯券和現金券等，但都未盡到位。
主要原因可能係佢哋嘅抗爭運動唔希望得到任何經濟援助，就算面對如此嚴峻嘅環境，港共政權嘅文攻武嚇，殘暴黑警嘅毆打濫捕，黑底白衫嘅無差別恐怖襲擊，只係要求足夠嘅防具，所以先出現咗國難五金！

為咗可以更加切實幫助呢一批年輕嘅前線戰友，我哋提倡文字有價，希望佢哋將前線嘅所見所聞、心路歷程、遇到嘅困難以及與家人嘅關係等，以手寫心。將抗爭者之言寫成家書，手稿會存放喺國難五金寄賣。
所得收入會全數「即場封袋」，喺「不扣除成本」下直接交到寫信嘅抗爭者手上，每封信都會有獨立編號，購買者可以作二次購買相同編號的信件及回信俾前線抗爭者。

細則如下：

- 所有信件信紙只限A4 size或以下信紙
- 信紙除大細外，冇限制紙張款式或材質
- 抗爭者之言必須親手寫作，不接受打字信件
- 抗爭者可以畫代文
- 字數盡量不少於500字
- 抗爭者須提供真實出生年份及提供化名/姓氏（如果願意）
- 每人只可伸領一次編號，編號以用作投稿信件使用，信件還未被買走前，不能再投稿。
- 家長第二次購買只可向相同編號的抗爭者購買
- 信件不設固定價錢，底價最少港幣500元正
- 購買者可以回信予抗爭者，但你唔會知道抗爭者嘅真正身份，我地會代為轉交
- 回信同樣不接受打字信件

以上計劃為測試階段，每次開舖所收集之信件會設有上限，20封，屆時會同時發出收據，並跟上獨立編號，以後認單唔認人，請小心保管單據，如有損壞，我們歡迎一換一。

#國家有難匹夫有責
#光復香港國難五金
#國難家書
https://www.facebook.com/%E5%9C%8B%E9%9B%A3%E4%BA%94%E9%87%91-100634091287214/