文章標題：光復

一羣流散英國嘅港人，適逢5月5日地方議會選舉。
3年前反送中抗爭，以及疫情爆發防疫半鎖港後，眾多港人出走漂泊異鄉。僥倖託庇英歐殖民勢力，光復1997年後漸漸流失嘅公民投票權，不用惶恐狐疑投票過程是否保密公正。
港人公民權利被逐漸凌遲嘅痛苦過程長達廿多年，2016年後甚至有選舉主任篩選候選人政治立場，美其名曰遏止港獨，實乃借機壓逼港人自由選擇意志，漸進式褫奪公民權利。
久違嘅票站、簡潔嘅政綱宣傳單，仲有睇熱鬧者眾嘅候選人辯論時間，都昭示港人嚮往並遭剝奪嘅公民社會，終喺前宗主國土地上得以重現。
流散海外港人，正透過這次投票，貫徹二戰法國名將戴高樂所言，無論發生咩事，抵抗火焰不能熄滅，亦不會熄滅。呢次居英港人積極參與選舉同投票，就係佢哋光復公民權利第一步。
英籍港人正逐漸收復公民失地，屏住呼吸，等待D-day。