Joker(小丑)政治學（二）

獻忠由來
反賊口中常調侃叫“獻忠”嘅人物，佢係明末流冦除李自成外，另一股最大嘅流冦勢力。大家拎獻忠嚟類比甚至自比，應該唔係獻忠嘅歷史地位同影響，而係建基於佢嘅瘋狂殺戳：按當時文人筆記所講，張獻忠幾乎把四川人口大半都殺掉，而且殺人手法極為殘忍變態。既然係咁，點解仲要將呢個所謂“獻忠”嘅人時常掛喺嘴邊？
純粹報復，同埋表達對今日中國大陸暴政嘅憤怒，係主要原因。其實可以想像用得“獻忠”呢個名，共產黨日後下場必然慘淡。因民智稍開、口頭對民主表達追求嘅反賊，都用一個同屠殺有關嘅人名嚟散播恐懼，以此恫嚇共產黨同泄憤。可見如政權更替真係發生，到底殺戳當權者同權貴會有幾慘烈？應該唔輸法國革命斷頭臺恐怖之治。
共產黨呢幾十年改開後對平民大眾壓逼，雖唔及毛澤東嘅災難級數，但禍害亦遠超西方歐美人權標準所容忍嘅底線，基本都可拎上法庭構成刑責監禁，呢個亦係共產黨權貴同謀者嘅深層恐懼，變本加厲集權同鎮壓殘害平民，嚴禁公民意識覺醒嘅原因。
但係佢哋唔明白，越禁越凶狠嘅同時，實際上幫自己挖嘅墳墓亦越深，越難翻身。就好似三峽大壩，唔單止抵擋不住千年一遇嘅洪水，仲淪為“廿年一遇”嘅豆腐渣級工程，貽笑後代。
如果佢哋無下放權力，疏導民怨嘅智慧，就只能接受有機會淪為明末權貴宗室嘅下場：福王朱常洵被憤怒民眾驅趕掉進鼎內，熱湯監生將佢煮死滾熟，佢嘅屍體同梅花鹿嘅肉混在一起被數千造反民兵分割而食，成為當時對政府恨之入骨嘅民眾口中“福祿宴”主菜。因當日福王生前縱奴大斂民間財富田地，猶如今日共產權貴恃權斂財侵辱民眾，下場相似民眾欲噬之洩恨亦理所當然。