李上習下以至Y上習下中共可死裡逃生嗎

品蔥裡有很多蔥油提到嘅李上習下，係中共今年開嘅政治會議最熱衷炒作題目。既然講到李上習下係靈丹妙藥妙手回春救民水火，就嘗試真的把李上習下以至X上習下後嘅可能性推演出來，看到底是否能解套一夜返回2012前。
現在中共嘅死局表面睇係分開兩邊，大陸內部同國際外面，大陸內部嘅主要問題係經濟已幾近不能再運作，而債務惡化到如絕症末期般。
但吊詭嘅係想挽救經濟必須依賴外國資本，但外資係一直撤離大陸，源於外國政府用對華極鷹法案限制導引本國資本離華。
為何要如此限制本國資本對華投資？資本主義不是有錢便是娘嗎？賺錢係王道呀！前題係中外關係必須正常，但而家係中外關係已到劍拔弩張地步。
中外關係惡劣個人主觀睇有四個大心結，第一個係武肺疫情調查同賠償。省掉聽床師功夫，政變又好退居二線又好大老出手又好，而家如願換咗習維尼了，西方列強要求新登基Y哥或李爺（夠尊重了吧？）開放調查疫情，李爺或Y哥到時願唔願意開放病毒研究所，自由放任傳召自己科學家同解放軍將領軍醫，配合調查？如果事涉極高層派系人物，交唔交人？棄車保帥？當所有疫情調查完成，勉強搞清共產黨喺疫情嘅權責，跟住就商討賠償，Y哥李爺願意簽下看似屈辱嘅國際賠償條約嗎？要知道西方列強視國際條約如江湖共識，唔係咩一句已經不存在就可略過，等同中共黨內嘅大老臘肉祖訓，一俟反口即大興問罪之師，難以偷雞心存僥倖，李爺Y哥有信心過此難關？
做人應樂觀些，就當第一關過咗，第二個大心結係台灣問題。經過烏俄戰爭、香港國安法實行同戰狼外交，而家西方列強睇中共對台政策係一萬個疑心同不安。即使而家外交部立即對台開展友善和解，但歐美堅持兩樣嘢對共產黨都係死局，第一係要求共產黨公開承諾放棄對台動武，隨時要被逼簽白紙黑字條約，單係呢點都足以令黨內上至大老下至政委甚至軍部將領跳腳，李爺Y哥敢應承？又當面子都放下思想突然開竅，另一個難題係歐盟好多國家都表態想台灣加入國際組織，就算唔係以國家名義，共產黨內相信又會即時hang機跳掣。佢哋會覺得承諾不對台動武可以隨時反口，反正都做慣唔爭在今次，但如果真係俾台灣入國際組織就弄假成真，真係會令台灣走向國際社會承認嘅國家，呢樣足以令李爺Y哥嘅政敵翻盤，分裂國家一向係黨內傾軋常用利器，李爺Y哥當然唔想作法自斃。
既然係假設，都唔爭在第二關又過埋，第三個大心結係香港一國兩制被破壞。英國人係做全球海上貿易生意起家，咩都普通法甲方乙方白紙黑字條約前條約後。中英聯合聲明係國際條約美國做保中英兩國眾目睽睽下簽訂，而家有數以千計從無名無姓示威者到有名有姓立會議員、大學教授、傳媒老闆甚至外國公民，因國安法坐監，甚至放監後繼續遭監視。聯合聲明條約裡面提到嘅保障港人自由，而家因為國安法蕩然無存，等於對英美反口賴賬。英美都係民選政府，一大班2019後避居海外嘅港人，同駐港返回歐美嘅外籍人士，應該咬牙切齒定期到議員辦事處把共產黨罵個狗血淋頭，但佢哋嘅力量唔止於鬧，佢哋真係有專業知識財力同選票。所謂選票即係成日喺大陸電視新聞見到咩人大之類嘅權力機構投票，當然共產黨嘅投票真假此處不贅，但歐美嘅投票貨真價實，呢堆數以十萬計以上嘅選票，足以左右英美列強施政同國際政策方針，可以預見英美喺香港政治犯問題會非常強硬。共產黨念茲在茲成日想立基本法23條完成祖宗任務，而家既然立咗國安法即係另一版本基本法23條，應該唔會放棄啩？唔放棄23條，即係釋放政治犯無望，咁英美就一定唔收貨繼續對着幹。李爺Y哥夠膽為救經濟討好英美打臉黨釋放香港政治犯？咁即係廢止已完成嘅黨祖宗任務喎，仲俾埋一個天大藉口俾政敵甚至唔係政敵只係黨內一個無名無姓野心家攻擊，李爺Y哥有呢個Guts？
既然假設，就樂觀到底，又當以上三個大心結都解決掉，最後一個心結麻煩大了。烏俄戰爭呢攤蘇州屎共產黨本應置身事外，唔知點解共產黨要摻和呢趟渾水。本來係歐洲問題，俄羅斯同烏克蘭啲恩怨情仇，同前南斯拉夫啲塞克斯波黑馬科一大堆加盟共和國睇見都頭痛直頭唔想理一樣，但共產黨就係做咗個最「英明」決定，有嫌疑資助俄國入侵烏克蘭。而家歐洲立場好清楚，哪怕發現丁點蛛絲馬跡有關華資助俄軍，唔理咩原委都會強硬制裁回應，本來共產黨旨望分化歐洲同英美而從中漁利繼續輸入歐洲科技產品抗衡美英，而家連呢個算盤都唔使打。但重點係普京不是吃素，佢係柔道黑帶高手做過東德秘密警察而家貴為俄國大佬話事人，手上有會落毒殺人特工同核武，仲有高加索大班信回教狂熱軍人，如果李爺Y哥主政，仲繼唔繼續呢種暗通款曲嘅關係？繼續暗助俄軍就連最後一個救生水泡歐洲都抓不住，國內經濟等待崩潰；如呢個時候起普京尾注斷援俄軍麻煩一樣大，俄軍應會反過來揮軍報復共產黨，而且歐英美亦樂於坐山觀虎鬥。那共產黨解放軍有決心而且具實力跟憤怒嘅俄軍一拼嗎？恐怕剛登基嘅李爺Y哥會盤算是否需要遷都避俄軍導彈戰術核武。幫俄面對制裁斷炊之危，斷援有核武暗殺之凶，兵凶戰危，進退維谷，如此燙手山芋，毫不理解為何爭此所謂「大位」，走避都來不及，邊個肯為此糊塗賬買單？
但李爺Y哥，既然習維尼搞不定，黨內外宣又天天喊換習維尼。國計人命市民福祉於共產黨眼中如兒戲賭博，換一換手氣再賭一把挺好的，反正買單償命的不是你們而是無辜大眾，賭的是人家本錢，自己零成本，再賭一把呀。加油！