殺華人者犬儒，滅馬列者勇武

中国大陆嘅合法權力就只有北京中共，也是唯一執政党。權力轉移沒有任何合理合憲程序，因憲法本身可隨意修改，失去原有莊嚴同民眾認受合理性。
而中国共產党仍穩坐北京權力寶座，大陆各地、「名存實亡兩制」港澳去到海外文宣，佢哋都貫徹執行北京權力意志。儘管心生不滿、陽奉陰違，但管治機器仍然運作暢順，無任何窒礙。
只要體制內有人執行共產党職務，體制管治下民眾不決心反抗，或只軟弱反抗，咁共產党嘅維生系統就不會停下來。即使社會經濟民生一塌糊塗，情況再爛，都變成自我實現嘅「潰而不崩」。
上世紀有兩個人做到傳統歷史罕見平民推翻暴政，達到權力轉移目的，而民眾都認可佢哋。
孫中山同毛澤東，兩個人嘅政治主張可以挑出大堆紕漏，但佢哋不約而同喺關鍵地方做對：拒絕犬儒，並落手落腳付諸行動，展現出推翻暴政嘅決心。
滿清同民國政府對孫毛兩人最大忌諱，源於佢哋唔犬儒唔妥協，用錢買唔到用女人勾引唔到分化又失敗收場。
當利益都賄賂打動唔到佢哋兩人，就只有捉同殺。但捉同殺有後遺症，就係成全佢哋對民眾嘅感召同江湖（社會）地位。除非一擊得手，否則等同資敵，變相幫佢哋宣傳增加號召力。就算人已死，生前政治主張一樣洛陽紙貴，吸引更多追隨者。
最典型就係劉曉波先生，雖然被共產党折磨至死，但佢嘅零八憲章同「我沒有敵人」，成為劉氏公民維權抗爭路線嘅最大號召根據。
如要收回共產党自民眾搶走嘅權益同認受性，必須根絕犬儒，徹底反抗，否則共產党就像癌細胞仍從民眾中汲取維生所需養份。
自由思想、公民權益、財產私有、下一代教育乃至人身安全，都是人生存在世應有權益同保障，唔理你係咪漢人華裔拎咩護照講咩語言有無宗教信仰。
白紙維權抗爭同村鎮銀行存戶維權抗爭先後中道夭折，證明中国大陆華人仍未踏上自身權益意識醒覺嘅基本門檻。共產党最擅長戰略退卻（讓步），今日承諾會返還損失俾你，即使真的現金奉上，他日必會從你退休金，甚至你子姪親朋身上攫取更多，因為權力早就算計你。跟共產党做交易，等同跟魔鬼買賣，失去遠多於得到。
權益不是靠別人施捨，何況對手係「蜚聲國際」嘅中国共產党？當人家搶走你東西，你自己都不反抗，歐美列強無義務關心你們人權狀況同自由有無受侵奪。除非你自己已經醒覺，並下定決心從壓逼你嘅邪惡群體手中保護應有嘅權益。
謹記殺華人者犬儒，滅馬列者勇武。