終結暴政分邦自治（二）
東北，即係舊稱嘅東三省：黑龍江、吉林同遼寧。其實廣義地理嚟講，內蒙古嘅呼倫貝爾到通遼部分，位置都屬於中國東北。
東北嘅資源本來極豐富，50年代初同兩廣一樣，兩廣有豐富海洋資源同農田，而東北就有油田同廣茅嘅森林同野生動物。
因為北京政府落後同冒進嘅經濟政策，令東北嘅油田、森林水土資源大量損耗難以恢復舊觀，呢種不負責任嘅錯誤經濟政策邊個埋單？就係東北本地人埋單，公唔公道？睇下而家東北有幾多本地壯年勞動力留低？剩低嘅唔係留守兒童，而係留守老人，咁嘅人口結構仲有無可持續發展機會？
如果純粹係市場公平競爭，經濟同環保政策係東北本地人選擇嘅就無得好講，但係大家都好清楚，呢啲冒進同野蠻嘅資源掠奪補貼北京，甚至補貼都稱唔上，純粹滿足佢哋好大喜功嘅心理，完全係面子政策貽害東北，一如長江三峽強行築大壩一樣。
除咗喺東北暴力搾取資源，仲強行漸漸消滅東北本地女真人（滿州）嘅文字同文化。聯合國教科文組織早已把滿文列為瀕危文字。自稱對人民負責，為人民服務嘅中國共產黨，有無喺呢幾十年嚟努力保存，甚至鼓勵東北本地人了解佢哋祖先輩留落嚟嘅文字同文化？唔單止無，仲不斷借政治運動將女真人文化貶抑為政治不正確，令東北人無晒原來嘅姓氏、文字同文化，甚至唔敢提，避免遭人攻擊，其實等同現今維吾爾人嘅處境一樣，都係被強制漢化，消滅原有文化，係提早咗幾十年嘅種族滅絕過程。
東北三地嘅人，應該掌握自己命運，特別係呢個暴政唔會容忍漢人文化以外嘅少數民族，保留原居地文化，甚至呢種狹隘量小嘅文化存續觀，對滇桂粵閩等地文化亦多所排拒，所以唔好奢望暴政會對東北三省網開一面。
東北居民要記取民初到而家嘅教訓，祖先留俾你哋嘅土地、資源、文字同文化，都係珍貴遺產，唔應該俾暴政同紅色權貴搾取掠奪同消滅，更加唔好俾暴政呃你哋話會保護東北，佢哋呢幾十年到底割讓同承認咗幾多東北失地俾俄羅斯同北韓作為政治酬庸，相信東北居民心裏有數。
只有將暴政趕出東北，喺歐美主導嘅國際部隊保護同扶持下，東北先可以發展有利自己嘅經濟，唔需要繼續進貢青壯勞動力、自然資源同資本俾遠喺北京，對東北人頤指氣使嘅暴政，更加唔使令而家留喺東北嘅留守老人，好似被遺棄嘅一代，自生自滅，佢哋都為東北發展出過力，唔應該令東北變成一個被遺棄、被權貴訕笑嘅玩偶，起碼能做到今日東北亞南韓同日本嘅政經成就，成為一個經濟繁榮同民主進步嘅區域，而唔係一個廢棄場，拎鹤崗喺媒體報導嘅白菜樓價，作為東北萬劫不復嘅象徵。
與其將東北故鄉交俾暴政，點解東北人唔掌握自己嘅命運？
東北嘅資源本來極豐富，50年代初同兩廣一樣，兩廣有豐富海洋資源同農田，而東北就有油田同廣茅嘅森林同野生動物。
因為北京政府落後同冒進嘅經濟政策，令東北嘅油田、森林水土資源大量損耗難以恢復舊觀，呢種不負責任嘅錯誤經濟政策邊個埋單？就係東北本地人埋單，公唔公道？睇下而家東北有幾多本地壯年勞動力留低？剩低嘅唔係留守兒童，而係留守老人，咁嘅人口結構仲有無可持續發展機會？
如果純粹係市場公平競爭，經濟同環保政策係東北本地人選擇嘅就無得好講，但係大家都好清楚，呢啲冒進同野蠻嘅資源掠奪補貼北京，甚至補貼都稱唔上，純粹滿足佢哋好大喜功嘅心理，完全係面子政策貽害東北，一如長江三峽強行築大壩一樣。
除咗喺東北暴力搾取資源，仲強行漸漸消滅東北本地女真人（滿州）嘅文字同文化。聯合國教科文組織早已把滿文列為瀕危文字。自稱對人民負責，為人民服務嘅中國共產黨，有無喺呢幾十年嚟努力保存，甚至鼓勵東北本地人了解佢哋祖先輩留落嚟嘅文字同文化？唔單止無，仲不斷借政治運動將女真人文化貶抑為政治不正確，令東北人無晒原來嘅姓氏、文字同文化，甚至唔敢提，避免遭人攻擊，其實等同現今維吾爾人嘅處境一樣，都係被強制漢化，消滅原有文化，係提早咗幾十年嘅種族滅絕過程。
東北三地嘅人，應該掌握自己命運，特別係呢個暴政唔會容忍漢人文化以外嘅少數民族，保留原居地文化，甚至呢種狹隘量小嘅文化存續觀，對滇桂粵閩等地文化亦多所排拒，所以唔好奢望暴政會對東北三省網開一面。
東北居民要記取民初到而家嘅教訓，祖先留俾你哋嘅土地、資源、文字同文化，都係珍貴遺產，唔應該俾暴政同紅色權貴搾取掠奪同消滅，更加唔好俾暴政呃你哋話會保護東北，佢哋呢幾十年到底割讓同承認咗幾多東北失地俾俄羅斯同北韓作為政治酬庸，相信東北居民心裏有數。
只有將暴政趕出東北，喺歐美主導嘅國際部隊保護同扶持下，東北先可以發展有利自己嘅經濟，唔需要繼續進貢青壯勞動力、自然資源同資本俾遠喺北京，對東北人頤指氣使嘅暴政，更加唔使令而家留喺東北嘅留守老人，好似被遺棄嘅一代，自生自滅，佢哋都為東北發展出過力，唔應該令東北變成一個被遺棄、被權貴訕笑嘅玩偶，起碼能做到今日東北亞南韓同日本嘅政經成就，成為一個經濟繁榮同民主進步嘅區域，而唔係一個廢棄場，拎鹤崗喺媒體報導嘅白菜樓價，作為東北萬劫不復嘅象徵。
與其將東北故鄉交俾暴政，點解東北人唔掌握自己嘅命運？
