连登上看到：【香港臨時議會】今日正式成立！

致 咁多位香港兒女

香港共產黨政府同埋香港克警不停打擊我地，我地仍然屹立不倒，憑著獅子山嘅精神挨到宜家，相信每一位手足都深有感受。

廣東話，繁體中文，係我地每一代香港人都想傳承落去嘅文化，無論係你嘅政見係點，相信你都係一個可以勇敢講得出：港式粵語係你母語嘅香港人。

港人治港，高度自治，呢句記錄係基本法裡面嘅句子竟然被顛覆為自治就唔係一國兩制。違反中英聯合聲明，基本法嘅係邊個，心知肚明。

香港，一早已經失去三權分立嘅互相制衡，行政濫暴，司法不公，立法不力，點解我地仲係呢個框架裡面存有希望？

我地今日已經公佈咗香港民憲草案，拋磚引玉，並且將會成立香港臨時議會，提供一個極之開放嘅平台比大家發聲。我地只係一條運作團隊，唔係大台，唔會代表你發聲，我地只係負責提供一張白紙，上面寫咩、點寫，任君決定。

如果手足覺得呢個運作團隊就係大台，想推翻，咁個陣就係我地消失嘅時候，我地絕對接受一切意見同埋批評，更加唔會態度照舊。

我地會盡快公開唔同嘅平台，包括網絡同埋實體。
Channel：https://telegram/hkpporganizationchannel
Website：https://freedomofspeechinh.wixsite.com/hongkongcivilcharter

完全實行香港高度自治，咁先係屬於香港人嘅議會。

特別鳴謝工聯會陸頌雄提供行動綱領。