Ray Online｜英國大學推「魔法碩士課程」　鄧飛倡香港開捉鬼或殭屍學課程

英國著名學府艾克斯特大學出年會開辦「魔法碩士學位」，講嘅唔係真係學魔法，而係學習巫術同埋魔法對社會、科學產生嘅影響以及歷史。而曾經作為中學校長，現任教聯會副會長兼立法會議員鄧飛就喺社交網站發文，大呼「哇，正啊！」，問香港係咪可以有樣學樣，開辦捉鬼或者殭屍學碩士課程。

鄧飛倡結合內地盜墓系列開辦課程

鄧飛提到上世紀80年代，香港特色恐怖片風靡一時，唔單止係好多人嘅集體回憶，至今仍然喺內地非常流行，而演員林正英喺戲中飾演嘅「英叔/九叔」道長，喺內地深入民心，而且發展到成為線上遊戲角色。鄧飛話香港人「食腦」，不妨發揮自己優勢，再結合內地嘅「盜墓筆記」、「鬼吹燈」盜墓系列，一於搞一個東方或中國香港神秘學課程。

不過有網民唔收貨，喺鄧飛帖文下留言，批評佢九唔搭八、「冇厘正經」，叫佢唔好攞學生嚟玩，唔好害人子弟呀！



讓大家見識一下在“完善選舉制度”之後，香港立法會議員的議政質素。