守衛中大、守衛 HKIX!(香港國際互聯網交換中心)

https://i.imgur.com/2CVxrkT.jpg

守衛 中大 守衛 HKIX!

2019-11-12 / by martinoei 黃世澤


我頭先做咗呼籲守衛 中大 嘅YouTube廣播,YouTube廣播,我係用番我中大校友、校友組織前成員,同前教職員身份做,呢個係我嘅責任。但呢段字,我係用IT人,一個喺香港擁有資訊科技界功能組別投票權嘅人講,守衛 中大 係守住HKIX,班黑警隨時破壞碧秋樓!

守衛 中大 等於守衛HKIX


大家上網,其實都同中大有關,因為香港互聯網骨幹HKIX個Core Site仍然喺香港中文大學,無論喺中信電信、NTT將軍澳、KDDI將軍澳、火炭iAdvantage都係子系統,最關鍵嘅系統,一邊喺夏鼎基體育場附近嘅伍何曼原樓,一邊喺碧秋樓,我相信伍何曼原樓嘅已經喺黑警控制下,而依家剩吓,就係百萬大道嘅碧秋樓,一旦碧秋樓被攻陷,大家知道結果係全面封網,真係剩番衛星上網都似。

所以作為IT人,其實有責任去中大協助中大學生防守,唔只防守中大,最重要係防守HKIX。因為百萬大道一帶係要爬山,唔係咁易攻入去,某程度,中大ITSC仍然保留碧秋樓係有佢道理,作為曾經喺碧秋樓返工嘅人(我讀中大期間,我兼職係ITSC嘅IT Support Student Helper,有時喺碧秋樓,有時喺逸夫一宿返工,係少數唔係Eng出身嘅友仔,如果你見我喺碧秋樓搞HP LaserJet 4嘅Jam紙問題,果條友有機會就係我),我好明白喺防守同鋪線兩方面平衡,碧秋樓仍然係十分之無敵。因為搬到蒙民偉工程學大樓,或者聯合、新亞校園,鋪線果度都係玩到你死為止。

所以,依家無論如何係要守衛中大,無論係阻塞吐露港公路,阻止警車增援,整爆晒啲車胎,你諗到任何方法,任何方式可以擊退呢班黑警都要考慮,因為我懷疑,黑警硬攻中大嘅目的,除咗要捉女生滿足獸慾外,實際上係要控制碧秋樓,然後方便斷網,如果學生仲喺中大,係無可能斷到碧秋樓,因為防暴入去碧秋樓,就會果斷果擊,呢班友今日攻中大,根本同日軍製造藉口攻北京係一樣。

所以由戰略而言,中大係十分之重要,當然,港島中環仍然係一個重要嘅輔助戰場,只要牽制到黑警兵力,甚至令黑警喪失運兵能力任何方式都要試,因為我相信林鄭月娥同習近平根本係黐線,為咗斷網乜都做,北京既然如此瘋狂,香港人只能用自己嘅方式抵抗到底,而果啲警察,係一定要知佢哋係乜水,以便日後用作審訊之用,我相信大家唔好再講乜嘢和理非,雖然武器上不成正比,但乜嘢打法都要試。

後話:渾水喺度數臭負責談判嘅中大新聞公關處處長張宏艷,攞佢啲文數佢藍屍,但健吾都經常應張宏艷邀請出席中大活動做主持,我想問,咁健吾係啲乜嘢人,容渾健集團真有趣。


黃世澤幾分鐘評論特集:2019年11月12日:呼籲中大校友回校作戰
黃世澤幾分鐘評論:2019年11月12日:守衛中大,守衛HKIX
17
分享 2019-11-13

11 个评论

匪諜想切斷香港的對外網路,祈禱在香港的同志都能夠平安...香港加油!
加油,你们都是英雄!只恨我什么也做不了,只能眼睁睁看着你们拿着年轻的生命争取自由。如果大陆发生撑港的运动,我一定参加,声援你们!(不过这是不可能的,大陆要么是岁静要么是精致利己要么是“爱国”废青,像我这样的绝对不到五百分之一)
在海外什么也做不了的,痛心之余,唯有pray pray pray,heavenly lord,please save hong kongers 
en010272 黑名单
https://pbs.twimg.com/media/EJK2pXbUUAADJYv?format=jpg&name=orig
https://pbs.twimg.com/media/EJK2pXWUUAEbDuT?format=jpg&name=orig
https://pbs.twimg.com/media/EJLKQhBU8AABw93?format=jpg&name=orig
https://pbs.twimg.com/media/EJLYPjjUwAA8RGr?format=jpg&name=orig
如果香港断网了,就算完了一般了。不知道有没有卫星上网的办法。
美國領事館说未收到學生求助,但是如果收到求助就會去救援。“We have to wait for them to call for help

香港的葱油们,请联系美国领事馆
哇,真是一代比一代强

未来中华人民共和国会和大德意志国一样,名号响彻整个人类史
已隐藏
加油,香港的互联网自由需要你们来守护,真正热爱自由的墙内网民会感谢你们为捍卫香港互联网自由所做出的努力和牺牲!正因为你们的努力,GFW才不会被带到香港。共同祝愿有一天GFW这堵互联网时代的柏林墙倒塌!
保命要紧,米同斑契弟博。
存在者09 🤬不友善用户
这是非常非常严重的事件。只要被墙,消息就不会被传出来,或者传递出来的也会被审查而扭曲或不再可信,这是一个自由社会赖以存在的非常重要的基石,如果信息被控制,意味着别人也无法做出正确的反应。

要发言请先登录注册

要发言请先登录注册

发起人

同志,請多指教!

状态

  • 最新活动: 2019-11-14
  • 浏览: 6054