戰爭不會導致全面排華

有蔥油謂戰爭會導致全面排華禁止華人入境，無分陸澳港台，這是不科學同粗暴嘅講法。
首先係簽證同出入境都趨於電子化，除中國大陸公民，港澳台擁護照公民極多，佢哋嘅護照喺外國已係有效嘅身份證明，手持台灣護照，當然是台灣公民，點會唔識分將你當成中國大陸人看待？
香港澳門嘅華人如果手持英國葡國護照，人家政府亦會把你當成英國人葡國人而非華人，所有法律都清楚寫明，公務員也會按規矩辦事，這是公民社會基本運作常識。
但戰爭確實會導致局部排華或不愉快嘅事例出現，這是事實。因為港澳護照濫發濫用，歐美出入境當局係有共識對港澳護照嚴加審核，防範滲透，所以持港澳特區護照及中國大陸護照都會很蝕底，亦預咗出入境幾麻煩。
而家內外交困嘅中共，最希望正係各國排華，拒絕全部華人入境，因為華人會帶財產離開，人本身亦代表生產力勞動力，流失了等同損害中共自己嘅財政同勞動實力，中共當然不惜一切鎖國防止人離開。正如古埃及要囚禁奴役以色列人，法老王發現摩西鐵了心帶以色列人離開，當然想辦法阻止。奴隸都走了，誰供埃及人奴役壓搾起金字塔？
只要有決心反共，離開共產黨暴政，提供有用資訊予歐美情報機構，不從事任何幫助共產暴政嘅外宣同間諜活動，外國政府同社會仍願意接納華人。
當然，華人自己在外國社會亦需自重，遵守法律，融入外國社區同尊重別人文化，自然相安無事。
要提防嘅係幫中共搞分化，激化矛盾嘅人，講緊唔一定係華人，邊個話幫共產黨做嘢或配合共產黨做法嘅只有牆內嘅人？大把親建制共產嘅香港人澳門人台灣人甚至歐美自己嘅外國人，收了利益自然幫共產黨説項，非常簡單嘅利益勾兌關係。
本賊仍鼓勵牆內有心反共嘅蔥油潤、躺平或抗爭維權，這樣共產暴政才有終結希望。