粤语书面文章曾经如此精彩好睇！八十年前粤语报章上的一篇短篇技击报道欣赏
细路仔打倒洋拳师 榄核镖利害怕乜你力大
作者：我是山人
原载广州《星报》 1947年7月
自从苏联拳师与许大伟氏比赛西洋拳之后，本市国术界又发起国术搏斗会，据报纸所讲，本月十三日在十三行妇女会球场，搭起座擂台，请晒全市有名教头（把全市有名教头都请来），参加比赛。许大伟又表演西洋拳术，哗！呢个（那个）场面，一定好睇（看）过做戏。你想吓（想一下），方世玉与雷老虎两个人打擂台，尚且如此热闹，何况个个都系本市有名教头乎？
讲起打擂台，好多人就讲到打工夫仔（打拳）问题，有啲（些）老友话（说）：你估西洋拳好打，抑或中国拳好打呢？又有啲话：你估西人好打还是中国人好打呢？
这个问题，市面上的人，讨论了好多日，山人大胆讲一句，唔怕（不怕）西人牛高马大，中国佬虽然瘦瘦削削，但打起嚟（来）西人不一定会胜，不只唔胜，即使中国细佬哥（小孩）都打赢佢（他）。
话说好多年前，有一班叫作海京伯大马戏班嚟到香港表演，在铜锣湾海军球场后面个笪大（一大块）地上，搭起一座大帐幕。马戏班中除了虎、象、豹、狮等表演之外，重（还）有西女山上吊（空中飞人）。嗰（这）西女年纪只有二十岁左右，打出只雪白大腿，从几丈高之天空，做出种种惊人表演，睇见牙都烟晒（心惊胆战）。但这种惊人表演，却能吸引观众，虽然收到五文老西（五元银元）一位咁（那么）贵，都人山人海，迫到实（非常拥挤）。
除此之外，班中还有一个西人拳师哥夫力架，本是挪威人，神高神大，正是小说里所谓身高成丈，腰大十围，头如大斗，眼若铜铃，同我地的高佬一拍（和我们的高个儿站在一起），哗！高佬只在他心口左右而已。睇佢个样已经得人惊，更兼出嚟表演，重八九百斤之大石，佢一手举起，抛上半空，跌番落嚟，佢又一脚，踢开丈多远。你话畀佢（给他）一拳或一脚，梗（一定）变为肉饼无疑矣。
呢首（这位）哥夫力架自言环游世界，未曾逢过敌手，最好打最高大的苏联拳师，都畀佢一拳打倒。你地（你们）啲中国佬咁（这么）瘦，更唔在讲（不用讲），真系一只手指尾（小指头），一推，就当堂瓜得（死掉）也。如是口出大言，耀武扬威，所有香港人果然畀佢抛窒（吓唬住），冇个敢出去同佢比武。就中激嬲（激怒）了一名细路仔。
这细路仔在西湾河居住，叫何均，天咁百厌（非常调皮），花名星君仔，年纪只得十四岁。其父为北派拳师，北派拳善跳跃，故星君仔跳扎极叻（跳起来非常利害）。当时星君仔闻得有马戏做，就从布帐罅（缝隙）跳左入去睇，睇见哥夫力架咁巴闭（嚣张），好，撚化你落左你棚牙至得（打掉你的门牙才可以）。即刻返屋企（回家）取出牛屎榄核一大包，约百个左右，藏于袋中，又试入去马戏场。
哥夫力架正在场中表演工夫，撑手挡脚，星君仔一粒榄核打过去，打正哥夫力架个额首，咦，乜咁痛（怎么这么痛），有血出添（还有血流出来），边个咁抵死（谁这么该死），哥夫力架担高头望吓（抬高头望了一下），星君仔第二粒榄核又到，打正佢个口（正打在他嘴上），打落门牙两只。
星君仔笑曰：“哥夫力架，重敢唔敢咁牙擦（还敢不敢这样装逼）？”
数千观众，见此情形，又好慌（害怕）又好笑。慌者慌住哥夫力架嬲起上嚟（生气起来），梗（一定）打死呢条细路（这个小孩）；笑者，睇见牛高马大之哥夫力架，旧先牙擦擦（之前很装逼），而家（现在）满面鲜血也。
哥夫力架，当堂大怒，一个箭步，标埋（窜到）星君仔之前，一拳，照星君仔头颅打落（下）。点知星君仔一跳，哥夫力架之拳落空，打左落张椅度（打在椅子上），观众又大笑。
哥夫力架老羞成怒，直追星君仔。星君仔跳两跳，跳左出海军球场，哥夫力架衔尾追出，星君仔又一粒榄核打中哥夫力架个心口，一个窿（破了一个洞），笑曰：“怕乜（怕什么）你牛高马大，有本事追嚟（追来）！”
哥夫力架猛追，星君仔猛走，哥夫力架身躯高大，追极都追唔到，观众个个睇住两个，好睇过马戏。
两个人在球场内足足追左几点钟，冇法子追得到，追到哥夫力架气都咳；星君仔则拍手而笑，又试第四粒榄核打来，打中哥夫力架个头壳，仆一声，哥夫力架又试追，卒之（总之）追到天黑，成日氹氹转（团团转），都无法追到。
星君仔曰：“哥夫力架，唔好咁牙擦（不要这样装逼），睇小我地啲（小看我们）中国人，我一个细路，都打倒你；若果我老窦嚟（老爸来），重巴闭（比我还厉害），今日梗（一定）打死你也。好，我而家（现在）返去擦（吃）饭先。”乃耸一耸个膊头（肩膀），松一松个鼻哥（鼻子），扮作鬼脸。
哥夫力架眼光光望实（直着眼望定）星君仔走左去，冇佢收（拿他没办法）。第二日，哥夫力架扎住个头，好似亚叉咁（好像印度人一样），唔敢出嚟（不敢出来）表演矣。
—完—
作者：我是山人
原载广州《星报》 1947年7月
自从苏联拳师与许大伟氏比赛西洋拳之后，本市国术界又发起国术搏斗会，据报纸所讲，本月十三日在十三行妇女会球场，搭起座擂台，请晒全市有名教头（把全市有名教头都请来），参加比赛。许大伟又表演西洋拳术，哗！呢个（那个）场面，一定好睇（看）过做戏。你想吓（想一下），方世玉与雷老虎两个人打擂台，尚且如此热闹，何况个个都系本市有名教头乎？
讲起打擂台，好多人就讲到打工夫仔（打拳）问题，有啲（些）老友话（说）：你估西洋拳好打，抑或中国拳好打呢？又有啲话：你估西人好打还是中国人好打呢？
这个问题，市面上的人，讨论了好多日，山人大胆讲一句，唔怕（不怕）西人牛高马大，中国佬虽然瘦瘦削削，但打起嚟（来）西人不一定会胜，不只唔胜，即使中国细佬哥（小孩）都打赢佢（他）。
话说好多年前，有一班叫作海京伯大马戏班嚟到香港表演，在铜锣湾海军球场后面个笪大（一大块）地上，搭起一座大帐幕。马戏班中除了虎、象、豹、狮等表演之外，重（还）有西女山上吊（空中飞人）。嗰（这）西女年纪只有二十岁左右，打出只雪白大腿，从几丈高之天空，做出种种惊人表演，睇见牙都烟晒（心惊胆战）。但这种惊人表演，却能吸引观众，虽然收到五文老西（五元银元）一位咁（那么）贵，都人山人海，迫到实（非常拥挤）。
除此之外，班中还有一个西人拳师哥夫力架，本是挪威人，神高神大，正是小说里所谓身高成丈，腰大十围，头如大斗，眼若铜铃，同我地的高佬一拍（和我们的高个儿站在一起），哗！高佬只在他心口左右而已。睇佢个样已经得人惊，更兼出嚟表演，重八九百斤之大石，佢一手举起，抛上半空，跌番落嚟，佢又一脚，踢开丈多远。你话畀佢（给他）一拳或一脚，梗（一定）变为肉饼无疑矣。
呢首（这位）哥夫力架自言环游世界，未曾逢过敌手，最好打最高大的苏联拳师，都畀佢一拳打倒。你地（你们）啲中国佬咁（这么）瘦，更唔在讲（不用讲），真系一只手指尾（小指头），一推，就当堂瓜得（死掉）也。如是口出大言，耀武扬威，所有香港人果然畀佢抛窒（吓唬住），冇个敢出去同佢比武。就中激嬲（激怒）了一名细路仔。
这细路仔在西湾河居住，叫何均，天咁百厌（非常调皮），花名星君仔，年纪只得十四岁。其父为北派拳师，北派拳善跳跃，故星君仔跳扎极叻（跳起来非常利害）。当时星君仔闻得有马戏做，就从布帐罅（缝隙）跳左入去睇，睇见哥夫力架咁巴闭（嚣张），好，撚化你落左你棚牙至得（打掉你的门牙才可以）。即刻返屋企（回家）取出牛屎榄核一大包，约百个左右，藏于袋中，又试入去马戏场。
哥夫力架正在场中表演工夫，撑手挡脚，星君仔一粒榄核打过去，打正哥夫力架个额首，咦，乜咁痛（怎么这么痛），有血出添（还有血流出来），边个咁抵死（谁这么该死），哥夫力架担高头望吓（抬高头望了一下），星君仔第二粒榄核又到，打正佢个口（正打在他嘴上），打落门牙两只。
星君仔笑曰：“哥夫力架，重敢唔敢咁牙擦（还敢不敢这样装逼）？”
数千观众，见此情形，又好慌（害怕）又好笑。慌者慌住哥夫力架嬲起上嚟（生气起来），梗（一定）打死呢条细路（这个小孩）；笑者，睇见牛高马大之哥夫力架，旧先牙擦擦（之前很装逼），而家（现在）满面鲜血也。
哥夫力架，当堂大怒，一个箭步，标埋（窜到）星君仔之前，一拳，照星君仔头颅打落（下）。点知星君仔一跳，哥夫力架之拳落空，打左落张椅度（打在椅子上），观众又大笑。
哥夫力架老羞成怒，直追星君仔。星君仔跳两跳，跳左出海军球场，哥夫力架衔尾追出，星君仔又一粒榄核打中哥夫力架个心口，一个窿（破了一个洞），笑曰：“怕乜（怕什么）你牛高马大，有本事追嚟（追来）！”
哥夫力架猛追，星君仔猛走，哥夫力架身躯高大，追极都追唔到，观众个个睇住两个，好睇过马戏。
两个人在球场内足足追左几点钟，冇法子追得到，追到哥夫力架气都咳；星君仔则拍手而笑，又试第四粒榄核打来，打中哥夫力架个头壳，仆一声，哥夫力架又试追，卒之（总之）追到天黑，成日氹氹转（团团转），都无法追到。
星君仔曰：“哥夫力架，唔好咁牙擦（不要这样装逼），睇小我地啲（小看我们）中国人，我一个细路，都打倒你；若果我老窦嚟（老爸来），重巴闭（比我还厉害），今日梗（一定）打死你也。好，我而家（现在）返去擦（吃）饭先。”乃耸一耸个膊头（肩膀），松一松个鼻哥（鼻子），扮作鬼脸。
哥夫力架眼光光望实（直着眼望定）星君仔走左去，冇佢收（拿他没办法）。第二日，哥夫力架扎住个头，好似亚叉咁（好像印度人一样），唔敢出嚟（不敢出来）表演矣。
—完—
