与其为香港独立摇旗呐喊，不如打包广东

>>係你哋想像中覺得分別唔大咋。唔係同樣講廣東話睇TVB就叫分別唔大。思維模式已經係兩個世界，一齊做嘢好...

噉你咪話，香港獨立嘅成功率真係比兩廣獨立要低，自然地理決定嘅，香港得七百萬人口同條深圳河，如果南粵係香港敵國嘅話噉邊可能有生存空間。跟住你話北約出兵呢個有啲幼稚，俄羅斯打克里米亞嗰陣又唔見北約出兵？咪都係得個口頭譴責。唔係話你想公投就有得公投，解放軍發爛渣暴力鎮壓你邊度嚟嘅公投？你話英國要求國際法庭仲裁，噉依家有冇？

唔係話香港同南粵要合併成一國，而係話香港如果要獨立，一個友好關係嘅南粵係必要條件。香港嘅獨立唔係凈係孤立噉睇香港一個城市嘅，更加唔可以靠西方。我嘅觀點就係香港要獨立就一定要向內地尤其係兩廣輸出革命。單純香港一個城市同成個大陸對抗，成功率仲低過藏獨。